Matarhlé
Hvernig þú stillir fast matarhlé í vikutaxtanum, hvernig það dregst frá hverri skráningu og hvar það sést í tímalistanum og launum.
Með matarhléi dregst hléstími dagsins sjálfkrafa frá skráningum sem ná yfir hann, t.d. hálftíminn 12:00–12:30. Hléið er stillt í vikutaxtanum, svo það þarf að vera kveikt á honum fyrst. Aðeins Stjórnandi og Skrifstofumaður komast í stillinguna.
Kveikja á matarhléi
Kafli: „Kveikja á matarhléi“Farðu í StillingarTímaskráningVikutaxti.
-
Kveiktu á Virkja vikutaxta og settu upp dagvinnutímann ef það er ekki þegar gert, sjá Dagvinna og yfirvinna.
-
Í spjaldinu Matarhlé velurðu Á föstum tíma dags. Hafirðu notað tillöguna Iðnaðarmenn (FIT, RSÍ, VM): mán–fös 07–18, hlé 12–12:30 er þetta og næsta skref þegar gert.
Spjaldið Matarhlé með Á föstum tíma dags valið -
Settu tíma hlésins í Frá og Til undir Matarhlé við hvern vinnutíma ofar á síðunni.
Matarhlé 12:00–12:30 á vinnutímanum mán–fös 07:00–18:00 -
Smelltu á Vista neðst á síðunni.
Tími innan hlésins telst hvorki dagvinna né yfirvinna. Veljirðu Ekkert hlé dregst ekkert frá og skráningar fá engan matarhlésreit.
Hléið á hverri skráningu
Kafli: „Hléið á hverri skráningu“Hléið vistast á skráningunni sjálfri og lækkar skráða tíma hennar. Það hefur því áhrif bæði á laun og á það sem er rukkað.
- Stimpilklukka: þegar starfsmaður stöðvar klukkuna reiknar Unnur hve mikið af hléstímanum lenti innan skráningarinnar og vistar það á henni.
- Tímaskráning með tímastimpli (upphafs- og lokatími): reiturinn Matarhlé (mín) fyllist út með þeim hluta hlésins sem skráningin nær yfir. Skráning 13:00–17:00 fær því 0 mín. Breyta má tölunni, t.d. ef starfsmaður tók lengra hlé, og þá reiknast Dagvinna og Yfirvinna upp á nýtt. Hléið dregst fyrst af dagvinnunni.
- Einföld tímaskráning og Margar í einu: enginn matarhlésreitur, því þar er aðeins skráður tímafjöldi.
Breyti starfsmaður matarhléi á eigin skráningu og krafist er samþykkis á breytingum fer breytingin í breytingarbeiðni eins og aðrar tímabreytingar.
Ef slökkt er á matarhléi síðar halda eldri skráningar hléinu sínu, og reiturinn sést áfram þegar þær eru opnaðar í Breyta.
Hvar hléið sést
Kafli: „Hvar hléið sést“- Tímalistinn: skráningar með hléi fá lítið hringlaga hlétákn aftan við tímann í dálkinum Tími. Haltu músinni yfir því til að sjá mínúturnar.
- Skráningin sjálf: í spjaldinu Tími stendur Matarhlé með fjölda mínútna.
- Laun-flipinn: röðin Matarhlé sýnir hléið í klukkustundum á hvern dag. Það er aðeins til upplýsinga og fer ekki á Payday. Sjá Taka út tíma fyrir launakeyrslu.
