Breytingarbeiðnir

Með breytingarbeiðnum taka breytingar og eyðingar starfsmanna á tímaskráningum ekki gildi fyrr en Stjórnandi eða Skrifstofumaður hefur samþykkt þær. Slökkt er á þessu þar til þú kveikir á því.

Kveikja á breytingarbeiðnum

1. Farðu í Stillingar›Tímaskráning›Breytingarbeiðnir.
2. Kveiktu á Krefjast samþykkis á breytingum á tímaskráningum og smelltu á Vista.

Stillingin Krefjast samþykkis á breytingum á tímaskráningum

Stjórnandi og Skrifstofumaður geta breytt stillingunni. Flipinn Breytingarbeiðnir á Tímar birtist aðeins á meðan kveikt er á henni.

Hvenær verður breyting að beiðni

Þegar kveikt er á stillingunni gildir þetta:

• Breyti Starfsmaður eða Verkstjóri eigin tímaskráningu verður til beiðni ef breytingin snertir verkefni eða verkhluta, dagsetningu, upphafs- eða lokatíma, dagvinnu, yfirvinnu eða matarhlé.
• Ef aðeins Lýsing eða Athugasemd breytist tekur breytingin gildi strax.
• Eyðing verður alltaf að beiðni.
• Nýjar skráningar fara beint inn, og það gerir stöðvun á stimpilklukku líka.
• Breytingar Stjórnanda og Skrifstofumanns taka alltaf gildi strax.

Ef breytingin verður að beiðni bíður öll vistunin, líka lýsingin ef henni var breytt í leiðinni. Akstur, efni, tæki og myndir sem breytt er í sama glugga vistast hins vegar strax.

Starfsmaðurinn fær skilaboðin „Breytingarbeiðni hefur verið send til samþykktar“. Ef hann eyddi skráningu í vefnum stendur „Eyðingarbeiðni hefur verið send til samþykktar“. Tímaskráningin breytist ekki fyrr en beiðnin er samþykkt.

Læst skráning á meðan beiðnin bíður

Á meðan beiðni bíður getur enginn breytt skráningunni eða eytt henni, ekki heldur Stjórnandi. Í vefnum eru Breyta og Eyða óvirk í valmynd línunnar, og á síðu skráningarinnar er borði með tenglinum Sjá beiðnina.

Tímaskráning sem bíður afgreiðslu beiðni

Í appinu stendur í skráningunni að beiðni bíði, og Skoða breytingarbeiðni opnar hana. Starfsmaðurinn getur afturkallað eigin beiðni með Afturkalla á meðan hún bíður, bæði þar og á flipanum Breytingarbeiðnir í vefnum. Þá er skráningin aftur opin.

Afgreiða beiðnir

Stjórnandi og Skrifstofumaður fá tilkynningu þegar ný beiðni berst. Beiðnir sem bíða eru líka taldar við Tilkynningar í valmyndinni og sjást þar undir Breytingarbeiðnir bíða samþykkis.

1. Farðu í Tímar›Breytingarbeiðnir. Þar eru beiðnir allra starfsmanna.

   

   Þrjár beiðnir í bið, tvær breytingar og ein eyðing

2. Smelltu á línuna til að opna beiðnina. Taflan Núna / Tillaga sýnir gildin eins og þau eru og eins og starfsmaðurinn vill hafa þau. Það sem breytist er merkt Breytt. Í eyðingarbeiðni sérðu skráninguna sem á að eyða. Smelltu á Tímaskráning til að opna skráninguna sjálfa.

   

   Elín vill lengja daginn til 18:30 og fá yfirvinnu fyrir það

3. Smelltu á Samþykkja og staðfestu. Breytingin tekur strax gildi, eða skráningunni er eytt ef þetta var eyðingarbeiðni.

   Til að hafna smellir þú á Hafna, skrifar Ástæða höfnunar og smellir á Staðfesta höfnun. Ástæðan er skylda og starfsmaðurinn sér hana.

   

   Ástæða höfnunar er skylda

Samþykkja og Hafna eru líka beint í línunni í listanum. Ekki er hægt að breyta tillögunni sjálfri. Viltu aðra niðurstöðu en starfsmaðurinn bað um, hafnaðu beiðninni og breyttu skráningunni sjálf/ur. Starfsmaðurinn fær tilkynningu þegar beiðnin er samþykkt eða henni hafnað.

Finnurðu ekki beiðni?

Listinn sýnir fyrst aðeins beiðnir sem eru Í bið og voru sendar frá byrjun síðasta mánaðar til loka þessa mánaðar. Fjarlægðu síuna Staða: Í bið og breyttu dagsetningunum við Send til að sjá eldri beiðnir og þær sem búið er að afgreiða. Vafrinn man dagsetningarnar við Send og þær færast ekki áfram með tímanum. Ef nýjar beiðnir sjást ekki skaltu breyta dagsetningunum svo þær nái til dagsins í dag.

Í appinu

Stjórnandi getur líka afgreitt beiðnir í appinu undir Meira›Breytingarbeiðnir. Skrifstofumaður kemst ekki inn í appið og afgreiðir þær á vefnum. Í appinu eru beiðnirnar flokkaðar í Í bið, Samþykkt og Hafnað. Ýttu á beiðni til að sjá samanburðinn og Samþykkja eða Hafna hana.

Breytingarbeiðnir í bið í appinu

Algengar spurningar

Af hverju fór breyting starfsmanns beint inn? Annaðhvort er slökkt á stillingunni, aðeins lýsingu eða athugasemd var breytt, eða sá sem breytti er Stjórnandi eða Skrifstofumaður.

Af hverju get ég ekki breytt tímaskráningu? Ef Beiðni í bið stendur efst á síðu skráningarinnar bíður beiðni á henni. Afgreiddu hana fyrst og þá opnast skráningin aftur. Aðrar ástæður eru í Skrá tíma og breyta skráningum.

Ég samþykkti en fékk villu og beiðnin er enn í bið. Breytingin gekk ekki upp, til dæmis af því að skráningin var komin á reikning í millitíðinni. Beiðnin bíður þá áfram. Þú getur hafnað henni eða lagað það sem stóð í veginum og samþykkt aftur.

Þurfa akstur, efni og fjarvera líka samþykki? Nei. Breytingarbeiðnir ná aðeins til tímaskráninga. Fjarvera hefur sitt eigið samþykktarferli, sjá Fjarvera.

Tengt efni

Skrá tíma og breyta skráningumTímalistinn, skráning og breytingar

Færa skráningar og sameina verkefniFjöldafærsla þegar breytingar þurfa samþykki

Hlutverk og réttindiHver má hvað í vef og appi