Akstur á sölureikning

Akstur á útseldu verkefni fær reikningsstöðuna Órukkað og birtist í bálkinum Akstur þegar þú gerir sölureikning fyrir verkefnið. Hvernig reikningur er búinn til og sendur er í Sölureikningar.

Bálkurinn Akstur

Hver ferð er ein lína. Lýsing er heiti ökutækisins og akstursvörunnar, til dæmis „Crafter LP905 – Innanbæjarakstur“, og Magn og Taxti (án vsk.) koma úr ferðinni. Ferð sem var skráð án akstursvöru fær aðeins heiti ökutækisins í Lýsing, magnið 1 og upphæðina sem taxta.

Bálkurinn Akstur. Fyrsta ferðin hefur verið tekin af reikningnum.

• Allar óreikningsfærðar ferðir verkefnisins eru valdar. Til að láta ferð bíða færðu bendilinn yfir vinstri enda línunnar og smellir á x. Línan verður yfirstrikuð og ferðin bíður næsta reiknings.
• Ef þú síar eftir tímabili efst á reikningnum (Sía eftir tímabili) koma aðeins ferðir innan þess.
• Magni, taxta og afslætti má breyta á línunni. Það breytir aðeins reikningnum, ekki skráðu ferðinni.
• Afslátt á allan aksturinn í einu setur þú í reitinn Akstur undir Afsláttur (%) hægra megin. Sjá Línur á sölureikningi.

Þegar reikningurinn er vistaður sem drög fá ferðirnar stöðuna Í drögum, og Rukkað þegar hann er sendur. Sama ferð getur ekki farið á tvo reikninga. Ef línan er tekin af drögunum, eða drögunum eytt, verður ferðin aftur Órukkað.

Plúsinn + við hliðina á heiti bálksins opnar Ný akstursferð fyrir verkefnið, ef ferð vantar. Hvernig glugginn er fylltur út er í Skrá akstur.

Akstur á hvern unninn dag

Hnappurinn + Unnir dagar birtist í bálkinum þegar tímaskráningar á reikningnum eru á dögum sem enginn akstur er skráður á. Hann fyllir út dagana fyrir þig.

1. Smelltu á + Unnir dagar. Glugginn Ný akstursferð opnast í hamnum Margar í einu. Verkefni er valið og læst, og dagarnir eru komnir í Dagsetningar.
2. Veldu Starfsmaður. Allar ferðirnar skrást á hann.
3. Veldu Verkhlutur ef hann birtist, síðan Ökutæki, Akstursvara og magnið. Fjarlægðu daga sem eiga ekki við með x.
4. Smelltu á Búa til akstursferðir. Talan í sviga er fjöldi daganna.

Fjórir unnir dagar á Hringhamri án aksturs, ein ferð á hvern dag

Á nýjum reikningi bætast ferðirnar við bálkinn og eru valdar. Þær fara á reikninginn þegar hann er vistaður eða sendur. Á reikningi í drögum fara þær beint á drögin. Hafirðu gert breytingar á drögunum sem eru ekki vistaðar þarf að vista þær fyrst.

Ein ferð á hvern dag

Unnu þrír menn sama daginn verður samt aðeins til ein ferð fyrir daginn. Á nýjum reikningi teljast aðeins tímaskráningar sem eru valdar. Dagur telst kominn með akstur þótt ferðin hafi verið tekin af reikningnum með x. Hnappurinn hverfur þegar allir unnir dagar eru komnir með akstur.

Á PDF-fylgiskjalinu

Á PDF-fylgiskjali reikningsins er hver ferð ein lína með dagsetningu og lýsingu. Í Magn stendur alltaf 1 og í Einingav. upphæð ferðarinnar, líka þegar ferðin var skráð í kílómetrum. Ferð upp á 41 km með kílómetragjaldi upp á 265 kr. birtist því með magnið 1 og einingarverðið 10.865 kr. Í línunni Samtals er fjöldi ferðanna. Nánar um fylgiskjalið í Fylgiskjöl og PDF.

Akstur á fylgiskjali: ein lína á hverja ferð og níu ferðir samtals.

Aksturinn sést ekki á reikningnum

• Verkefnið er Rekstrar eða Tilboð. Ferðirnar eru þá Á ekki við, sjá Verktýpur.
• Ferðin er utan tímabilsins sem síað er eftir.
• Ferðin er þegar á öðrum reikningi. Reikningsstaðan er þá Í drögum eða Rukkað á Akstur›Akstursferðir.

Tengt efni

Skrá aksturSkrá ferðir í vefnum, með tímum og í appinu.

Línur á sölureikningiBálkar, afsláttur og álagning.