Starfsmaður finnur ekki verkefnið

Þegar starfsmaður skráir tíma eða stimplar sig inn í appinu sér hann aðeins verkefni sem hann hefur aðgang að og sem eru ekki lokin. Vanti verkefni í listann er yfirleitt ein af ástæðunum hér að neðan.

Athugaðu í þessari röð

1. Opnaðu verkefnið í Verkefni. Ef lás er við myndirnar á spjaldinu Mönnun krefst verkefnið aðgangs, og þá sjá aðeins þeir sem eru í mönnuninni það. Bættu starfsmanninum við, sjá að neðan.
2. Athugaðu stöðu verkefnisins. Verkefni í stöðu úr flokkunum Lokið og Hætt við birtast ekki þegar tími er skráður í appinu, en verkefni í bið birtast. Verkefnið getur samt sést á flipanum Verkefni í appinu, því þar eru allar stöður.
3. Ef starfsmaðurinn fór í verkhóp eftir að hópurinn var settur á verkefnið er hann ekki í mönnuninni. Þegar verkhópur er settur á verkefni fara þeir sem eru í hópnum á þeirri stundu í mönnunina, en sá sem bætist í hópinn síðar fer ekki sjálfkrafa á eldri verkefni.
4. Úthlutun í Vikuskipulag bætir starfsmanni ekki í mönnun verkefnisins.

Lagerverkefni birtast aldrei í tímaskráningu. Fjarveruverkefni birtast aðeins ef bein tímaskráning er leyfð á þeim, sjá Bein tímaskráning á fjarveruverkefni.

Mönnunin gildir líka um stjórnendur í appinu

Í vefnum sjá Stjórnandi og Skrifstofumaður öll verkefni. Í appinu gildir mönnunin um alla, svo stjórnandi sem er ekki í mönnun verkefnis sem krefst aðgangs sér það ekki þar.

Bæta starfsmanni á verkefni

Aðeins Stjórnandi og Skrifstofumaður geta breytt mönnun.

1. Opnaðu verkefnið í Verkefni.
2. Smelltu á + við myndirnar á spjaldinu Mönnun.
3. Hakaðu við starfsmanninn, eða við verkhóp til að bæta öllum í hópnum við. Valið vistast strax.

Mönnun á verkefni sem krefst aðgangs. Bjarki og Hrafnhildur eru í mönnuninni, og lásinn sýnir að aðeins þau sjá verkefnið.

Hvort verkefni krefst aðgangs stillirðu með Krefst aðgangs þegar verkefnið er stofnað eða því breytt, sjá Stofna verkefni.

Þegar þú skráir fyrir starfsmann í vefnum

Í Ný tímaskráning í vefnum eru verkefni í öllum stöðum í listanum, líka þau sem er lokið. Reiturinn Verkhlutur sýnir hins vegar aðeins verkhluta sem valinn starfsmaður hefur aðgang að. Ef hann er ekki í mönnun verkefnis sem krefst aðgangs birtist enginn Verkhlutur, og þegar þú reynir að vista kemur villan „Veldu verkhlutur“. Bættu starfsmanninum í mönnunina og opnaðu gluggann aftur.

Ari er ekki í mönnun 26-045, svo enginn verkhluti er í boði

Í Breyta tímaskráningu kemur engin villa. Ef þú færir skráningu á verkefni sem starfsmaðurinn hefur ekki aðgang að birtist enginn Verkhlutur, og skráningin helst á gamla verkefninu þegar þú vistar.

Þetta er líka leiðin til að skrá tíma á verkefni sem er lokið: Stjórnandi eða Skrifstofumaður skráir tímann í vefnum, sjá Skrá tíma og breyta skráningum.

Verkefnið sést en skráningin gengur ekki

• Dagsetningin er meira en einum degi fram í tímann. Hægt er að velja hana, en þegar vistað er kemur villan „Ekki er hægt að búa til tímaskráningu meira en einn dag fram í tímann.“
• Fyrirtækið hefur bannað handvirka tímaskráningu. Þá vantar + í appinu og starfsmaðurinn skráir tímann með stimpilklukkunni, sjá Stimpilklukkan.

Þegar breyta á skráningu sem er þegar til:

• Skráningin er komin á sölureikning og verður ekki breytt.
• Breytingarbeiðni bíður afgreiðslu á skráningunni, sjá Breytingarbeiðnir.

Tengt efni

VerkhóparManna verkefni með hópi

Stöður verkefnaFlokkarnir Virkt, Í bið, Lokið og Hætt við

StimpilklukkanStimpla sig inn og út í appinu