Koma starfsmanni inn í Unni
Þú stofnar starfsmanninn og getur sent honum boð í SMS eða tölvupósti, og hann stofnar svo sjálfur aðgang með sama símanúmeri.
Starfsmaður kemst inn í Unni í tveimur skrefum. Þú stofnar hann undir Starfsmenn, og hann stofnar sjálfur aðgang með símanúmerinu sem þú skráðir. Símanúmerið er það eina sem tengir aðganginn við starfsmanninn.
Stofna starfsmann
Kafli: „Stofna starfsmann“Farðu í Starfsmenn og smelltu á +. Glugginn Nýr starfsmaður opnast.
-
Fylltu inn Nafn og Símanúmer. Sé númerið erlent velurðu landsnúmerið vinstra megin í reitnum. Númerið þarf að vera það sama og starfsmaðurinn notar þegar hann stofnar aðganginn.
-
Veldu Hlutverk. Sjálfgefið er Starfsmaður. Hvað hlutverkin mega er í Hlutverk og réttindi. Fyrir Stjórnanda og Skrifstofumann er Netfang skyldureitur.
-
Veldu hóp í Taxtahópur undir Útseld vinna. Þá sést útseldur taxti hópsins fyrir neðan. Viltu slá taxtann inn handvirkt velurðu Handvirkur taxti, og + Búa til taxtahóp stofnar nýjan hóp. Ef ekkert er valið verður útseldi taxtinn 0 kr. Sjá Taxtar og taxtahópar.
-
Undir Launaupplýsingar geturðu skráð Kennitala, Starfsheiti, Upphafsdagur í starfi, Starfsmannategund og launataxta. Það má líka gera seinna.
-
Hakaðu við SMS ef starfsmaðurinn á að fá boð strax (sjá næsta kafla), og smelltu á Búa til starfsmann.
Nýr starfsmaður í hlutverkinu Starfsmaður, í taxtahópnum Rafvirkjar og með hakað við SMS
Starfsmaðurinn birtist í listanum með stöðuna Boðið þar til hann stofnar aðganginn. Ef símanúmerið er þegar með aðgang að Unni, til dæmis hjá öðru fyrirtæki, verður staðan strax Virkur. Þá skráir hann sig inn með lykilorðinu sem hann á fyrir og fyrirtækið bætist við hjá honum.
Boð í SMS eða tölvupósti
Kafli: „Boð í SMS eða tölvupósti“Ekkert boð er sent nema þú hakir við það. Boðið segir starfsmanninum að fyrirtækið hafi boðið honum í Unni og vísar honum á hvar hann stofnar aðganginn.
- SMS: Starfsmaður og Verkstjóri fá tengla á appið í App Store og Google Play og eru beðnir að ýta á „Skráðu þig“ í appinu. Stjórnandi og Skrifstofumaður fá tengil á app.unnurverk.is/skraning og tengla á appið.
- Tölvupóstur: hakið birtist aðeins ef hlutverkið er Stjórnandi eða Skrifstofumaður og gilt netfang hefur verið slegið inn. Pósturinn vísar á app.unnurverk.is/skraning. Tölvupóstsboð er aðeins hægt að senda úr glugganum Nýr starfsmaður.
Þetta gildir um SMS-boð:
- Aðeins eitt SMS-boð er sent á hvern starfsmann.
- SMS-boð fara aðeins á íslensk númer. Sé númerið erlent er ekki hægt að haka við SMS, og í listanum stendur Erlent númer við stöðuna. Starfsmaðurinn getur samt sótt appið og stofnað aðgang sjálfur.
Senda SMS-boð seinna
Kafli: „Senda SMS-boð seinna“Starfsmaður með íslenskt númer sem stendur á Boðið og hefur ekki fengið SMS-boð er með lítinn sendihnapp við stöðuna í listanum. Smelltu á hann til að senda boðið. Sama aðgerð er í aðgerðavalmyndinni (⋮) á síðu starfsmannsins, Senda SMS-boð.
Þegar boðið er farið stendur ✓ Boð sent við stöðuna og hnappurinn hverfur.
Starfsmaðurinn stofnar aðganginn
Kafli: „Starfsmaðurinn stofnar aðganginn“Starfsmaðurinn þarf ekki boð til að stofna aðgang. Það eina sem skiptir máli er að hann noti símanúmerið sem þú skráðir.
- Í appinu: hann velur Ertu ekki með aðgang? Skráðu þig á innskráningarskjánum, slær inn símanúmer og lykilorð og staðfestir með sex stafa kóða sem kemur í SMS. Sjá Stofna aðgang í appinu.
- Á vefnum: hann opnar app.unnurverk.is/skraning, eða smellir á Skráðu þig hér á innskráningarsíðunni. Sjá Innskráning og lykilorð.
Skrifstofumaður kemst ekki inn í appið og notar vefinn.
Um leið og aðgangurinn er stofnaður tengist hann öllum starfsmönnum með sama símanúmeri og landsnúmeri, líka hjá öðrum fyrirtækjum, og staðan fer úr Boðið í Virkur.
Sækja starfsfólk úr bókhaldskerfi
Kafli: „Sækja starfsfólk úr bókhaldskerfi“Sé fyrirtækið tengt DK eða Payday geturðu sótt starfsmannalistann þaðan í stað þess að stofna hvern og einn. Önnur bókhaldskerfi styðja þetta ekki.
Farðu í Starfsmenn, smelltu á aðgerðavalmyndina (⋮) efst til hægri og veldu Sækja starfsfólk úr bókhaldskerfi.
Aðgerðavalmyndin á Starfsmenn-síðunni -
Glugginn Starfsfólk úr bókhaldskerfi sýnir alla starfsmenn í bókhaldskerfinu. Þeir sem eru þegar í Unni eru merktir Þegar í kerfinu og ekki hægt að velja þá. Unnur parar þá saman eftir kennitölu, símanúmeri eða nafni. Hinir eru valdir fyrirfram, líka þeir sem eru merktir Óvirkur í bókhaldskerfinu. Taktu hakið af þeim sem eiga ekki að koma inn.
Fjórir eru þegar í Unni og tveir eru valdir til innflutnings. Sólveig er merkt óvirk í bókhaldskerfinu. -
Smelltu á Flytja inn valda. Þá opnast sama form og í Nýr starfsmaður, einn starfsmaður í einu. Úr Payday kemur Upphafsdagur í starfi líka með. Fylltu í það sem vantaði úr bókhaldskerfinu, til dæmis símanúmer, athugaðu hlutverkið og smelltu á Vista og áfram. Hjá þeim síðasta heitir hnappurinn Ljúka innflutningi. Með Sleppa ferðu yfir starfsmann án þess að stofna hann.
Hver starfsmaður er stofnaður um leið og þú vistar hann.
Þegar starfsmaður kemst ekki inn
Kafli: „Þegar starfsmaður kemst ekki inn“Starfsmaðurinn fékk ekkert SMS
Kafli: „Starfsmaðurinn fékk ekkert SMS“Boð fer aðeins ef hakað var við SMS eða það sent síðar, og aldrei á erlend númer. Athugaðu hvort ✓ Boð sent stendur við starfsmanninn. Boðið er þó ekki nauðsynlegt: starfsmaðurinn getur sótt appið og skráð sig sjálfur.
SMS-boðið fór á rangt númer
Kafli: „SMS-boðið fór á rangt númer“Það er ekki hægt að senda annað SMS-boð. Leiðréttu númerið í ⋮Breyta á síðu starfsmannsins og láttu hann sækja appið og skrá sig sjálfur með rétta númerinu.
Starfsmaðurinn lendir á „Enginn aðgangur að fyrirtæki“
Kafli: „Starfsmaðurinn lendir á „Enginn aðgangur að fyrirtæki““Þá er hann með aðgang á öðru símanúmeri eða landsnúmeri en þú skráðir. Leiðréttu númerið á starfsmanninum svo það passi við aðganginn hans. Aðgangurinn tengist þegar þú vistar, og starfsmaðurinn skráir sig svo út og inn aftur. Staðan í listanum getur þá staðið áfram á Boðið þótt aðgangurinn virki.