Birgðahald og bókhaldskerfi

Sjálfgefið er lagerinn vörulisti með verðum og skráningar á verk lækka ekkert magn. Viltu vita hve mikið er til af hverri vöru kveikirðu á birgðahaldi. Þá bókar Unnur hreyfingu í hvert sinn sem vara fer inn á lagerinn eða út af honum.

Aðeins Stjórnandi og Skrifstofumaður komast í lagerstillingarnar, telja og bóka hreyfingar.

Kveikja á birgðahaldi

1. Farðu í Stillingar›Lager.
2. Kveiktu á Halda utan um birgðastöðu undir Birgðahald í Unni.
3. Glugginn Birgðahald í Unni útskýrir í þremur skrefum hvað gerist. Smelltu tvisvar á Áfram og síðan á Kveikja á birgðahaldi.

Stillingar › Lager. Kveikt er á birgðahaldi og engar lagerhreyfingar fara í bókhaldskerfið.

Stillingin vistast um leið, það þarf ekki að smella á Vista. Unnur stofnar verkefnið Lager ef ekkert lagerverkefni er til fyrir. Á lagersíðunni bætist dálkurinn Birgðastaða við vörulistann og flipinn Talning birtist.

Til að slökkva á birgðahaldi slekkurðu á rofanum og smellir á Vista. Hreyfingarnar sem voru komnar hverfa ekki, en nýjar efnisskráningar lækka ekki birgðastöðuna á meðan slökkt er.

Byrjaðu á talningu

Birgðahaldið telur aðeins það sem gerist eftir að kveikt er á því. Fyrri innkaup og efnisskráningar hafa engin áhrif á birgðastöðuna. Teldu lagerinn strax svo upphafsstaðan verði rétt.

Hvað breytir birgðastöðunni

Tegund	Hvenær
Innreikningur	Línur af aðfangareikningi fara á lagerverkefnið, eða þú notar Flytja á lager í Ný lagervara eða Vista þessar vörur í lager á aðfangareikningi. Hver reikningslína telst aðeins einu sinni. Einnig þegar þú bókar Innreikningur handvirkt með Ný hreyfing.
Notkun	Efni er skráð á verk, í vefnum eða appinu.
Talningarleiðrétting	Talning sýnir annað magn en birgðastöðuna.
Leiðrétting	Þú bókar Leiðrétting handvirkt með Ný hreyfing, eða slærð inn Magn á lager núna þegar þú stofnar vöru handvirkt.

Breytirðu magni, vöru eða dagsetningu á lagerskráningu uppfærist notkunin. Eyðirðu skráningunni gengur hún til baka. Breytirðu skráningu sem var gerð áður en kveikt var á birgðahaldi bókast hún sem ný notkun og birgðastaðan lækkar.

Eytt efni með tímaskráningu skilar sér ekki á lager

Ef tímaskráningu með tengdu efni er eytt hverfur efnisskráningin líka, en birgðastaðan hækkar ekki aftur. Leiðréttu hana þá með talningu eða Ný hreyfing.

Innkaup inn á lager

Það sem er keypt á lager setur þú á lagerverkefnið. Það má gera fyrir allan reikninginn eða einstakar línur.

1. Opnaðu aðfangareikninginn undir Efni.
2. Veldu lagerverkefnið (Lager) sem verkefni fyrir allan reikninginn, eða á þeim línum sem fóru á lager. Sjá Úthluta aðfangareikningum.

Vörulínurnar verða að lagervörum, birgðastaðan hækkar um magnið á línunni og listaverð línunnar, fyrir afslátt, skráist sem kostnaðarverð. Reikningur sem fer allur á lagerverkefnið fær stöðuna Rekstur. Færirðu línuna síðar af lagerverkefninu gengur innreikningurinn til baka, en varan helst á lager.

Línur án vörunúmers fara ekki á lager. Þá kemur viðvörun, til dæmis „2 af 7 reikningslínum fóru ekki á lager því vörukóða vantar“.

Á lagerverkefnið má aðeins setja aðfangareikninga. Tímar, akstur, tæki og efni verða ekki skráð á það. Lagerverkefnið opna aðeins Stjórnandi og Skrifstofumaður. Sjá Verktýpur.

Talning

1. Farðu í Lager›Talning og smelltu á +.
2. Í glugganum Ný talning slærðu inn Talið magn við þær vörur sem þú taldir. Vörur sem þú skilur eftir auðar breytast ekki.
3. Bættu við Athugasemd við talningu ef þú vilt og smelltu á Vista talningu.

Ný talning. Talið magn er slegið inn við þær vörur sem voru taldar og hinar eru auðar.

Unnur bókar leiðréttingu á hverja vöru þar sem talið magn er annað en birgðastaðan. Á flipanum Talning sjást fyrri talningar með dagsetningu, athugasemd og fjölda leiðréttinga. Talning þar sem allt stemmdi skilur ekki eftir sig færslu og birtist því ekki.

Eina vöru geturðu líka talið inni á vörunni: smelltu á hringörina við Birgðastaða og sláðu inn Talið magn í glugganum Endurtelja birgðastöðu.

Hreyfingasaga og handvirk hreyfing

Opnaðu vöruna og veldu flipann Hreyfingasaga. Þar sjást allar hreyfingar vörunnar með magni, kostnaðarverði og aðfangareikningnum sem þær komu af.

Hreyfingasaga: 300 m komu inn af reikningi og 25 m voru skráðir sem rýrnun.

Með Ný hreyfing bókarðu hreyfingu handvirkt, til dæmis rýrnun eða skil. Veldu Tegund (Leiðrétting eða Innreikningur), sláðu inn Magn (+/-), jákvætt fyrir aukningu og neikvætt fyrir minnkun, og smelltu á Bóka hreyfingu.

Fjármagn á lager á vörunni er birgðastaðan sinnum síðasta kostnaðarverð.

Lagerinn og bókhaldskerfið

Undir Stillingar›Lager velurðu líka í Lagerhreyfingar til bókhaldskerfis hvernig lagerlínur fara í bókhaldskerfið með sölureikningum. Smelltu á Vista til að vista valið.

Valkostur	Hvað gerist	Bókhaldskerfi
Engar lagerhreyfingar	Lagerinn í Unni er óháður bókhaldskerfinu. Efnislínur fara samanteknar á reikninga. Þetta er sjálfgefið.	Öll
Vörunúmer á sölureikninga	Lagerlínur fara stakar á reikninginn með vörunúmeri. Bókhaldskerfið lækkar birgðastöðuna sjálft þegar reikningurinn er gefinn út. Unnur stofnar ekki vörurnar í bókhaldskerfinu, svo þær þurfa að vera þar fyrir með sama vörunúmeri.	Payday og DK
Hreyfing send með reikningi	Unnur sendir birgðahreyfingu í bókhaldskerfið um leið og reikningurinn er sendur. Aðeins vörur sem eru til í bókhaldskerfinu fara með.	Payday

Hreyfingin gengur ekki til baka

Með Hreyfing send með reikningi gengur birgðahreyfingin í Payday ekki til baka þótt reikningnum sé eytt. Þá þarf að leiðrétta birgðirnar í Payday.

Birgðahald í Unni og lagerhreyfingar til bókhaldskerfis eru óháðar stillingar. Nota má aðra hvora eða báðar. Vörulistann sjálfan sækirðu úr Payday eða DK á lagersíðunni, sjá Lagervörur.

Tengt efni

LagervörurStofna, sækja, breyta og fjarlægja lagervörur

Skrá efni af lagerLagerskráningar í vef og appi

VerktýpurLagerverkefnið og aðrar tegundir verkefna