Stöður verkefna
Hver staða tilheyrir einum af fjórum flokkum og flokkurinn ræður því hvar verkefnið sést. Hér sérðu hvernig stöðu verkefnis er breytt og hvernig þið setjið upp ykkar eigin stöður.
Staðan segir hvar verkefnið er statt. Fyrirtækið ræður sjálft hvaða stöður eru til og hvað þær heita, en hver staða tilheyrir einum af fjórum föstum flokkum: Í bið, Virkt, Lokið og Hætt við.
Flokkarnir fjórir
Kafli: „Flokkarnir fjórir“| Flokkur | Hvað hann þýðir |
|---|---|
| Í bið | Verkið er ekki hafið. Starfsmenn geta samt skráð á það í appinu. |
| Virkt | Verkið er í gangi. Nýtt verkefni fær sjálfgefnu stöðuna í þessum flokki. Aðeins verkefni í Virkt eru í boði þegar verki er úthlutað í vikuskipulaginu. |
| Lokið | Verkinu er lokið. Það birtist ekki lengur þegar starfsmenn skrá tíma, akstur, efni eða tæki í appinu. |
| Hætt við | Hætt var við verkið. Það hverfur úr skráningum í appinu eins og Lokið. |
Í verkefnalistanum í appinu sjást verkefni í öllum stöðum. Á útseldum verkefnum ræður staðan engu um það hvort órukkaðar skráningar birtast undir SölureikningarÍ vinnslu. Tilboðsverk eru þar undir Tilboð aðeins meðan staða þeirra er í flokknum Virkt, sjá Rukka tilboðsverk.
Breyta stöðu verkefnis
Kafli: „Breyta stöðu verkefnis“Í vefnum geta Stjórnandi, Skrifstofumaður og Verkstjóri breytt stöðu:
- Á verkefnasíðunni: smelltu á stöðuna við Staða í spjaldinu Upplýsingar og veldu nýja. Breytingin vistast strax.
- Á flipanum Dálkar á Verkefni: dragðu verkefnið yfir í dálk nýju stöðunnar. Sjá Finna og skoða verkefni.
- Á flipanum Tímalína á Verkefni: smelltu á stöðupunktinn fremst í línu verkefnisins og veldu nýja stöðu. Breytingin vistast strax.
- Í glugganum Breyta verkefni, í reitnum Staða.
Starfsmaður breytir stöðu aðeins í appinu, á verkefnasíðunni þar. Sjá Verkefni í appinu.
Loka verkefni um leið og reikningur er sendur
Kafli: „Loka verkefni um leið og reikningur er sendur“Við hnappana Senda reikning og Búa til og senda á sölureikningi er rofinn Loka verkefni. Sé kveikt á honum færist verkefnið í sjálfgefnu stöðuna í flokknum Lokið þegar reikningurinn er sendur eða merktur sendur. Sjálfgefið er slökkt á rofanum. Vafrinn man hvort kveikt var á rofanum næst þegar þú sendir reikning. Sjá Sölureikningar.
Stöðusaga
Kafli: „Stöðusaga“Hver stöðubreyting skráist á flipann Saga á verkefnasíðunni sem Stöðu breytt, með gömlu stöðunni, nýju stöðunni og nafni þess sem breytti. Flipinn Saga sést aðeins Stjórnanda og Skrifstofumanni. Til að sjá aðeins framvinduna, þar á meðal stöðubreytingarnar, smellirðu á Framvinda undir Sía söguna.
Setja upp stöður
Kafli: „Setja upp stöður“Stjórnandi og Skrifstofumaður setja upp stöðurnar á öðrum hvorum staðnum. Báðir sýna sömu stillingar.
- StillingarVirkniStöður verkefna
- Verkefni, punktarnir þrír efst til hægri og Stöðustillingar
Hver flokkur hefur eina stöðu merkta Sjálfgefin. Hana má endurnefna og gefa annan lit, en ekki eyða. Í flokkana bætirðu þeim stöðum sem passa ykkar verklagi.
Bæta við stöðu
Kafli: „Bæta við stöðu“-
Smelltu á + Bæta við stöðu í flokknum sem staðan á heima í.
-
Sláðu inn heitið og smelltu á Bæta við, eða ýttu á Enter.
Ný staða slegin inn í flokkinn Í bið. -
Nýja staðan fær lit flokksins. Viltu annan lit smellirðu á litareitinn vinstra megin við heitið og velur úr Svipaðir litir eða Annar litur.
Til að endurnefna stöðu smellirðu í heitið og breytir því. Það vistast þegar þú ferð úr reitnum. Það er enginn vistunarhnappur. Liturinn vistast um leið og þú velur hann.
Eyða stöðu
Kafli: „Eyða stöðu“Smelltu á Eyða við stöðuna. Staðan hverfur strax, án staðfestingar. Sé eitthvert verkefni í stöðunni er ekki hægt að eyða henni og villan „Ekki hægt að eyða stöðu sem er í notkun.“ birtist. Færðu þá verkefnin fyrst í aðra stöðu.
Hröð uppsetning
Kafli: „Hröð uppsetning“Meðan engar eigin stöður eru til birtist Hröð uppsetning efst. Hnappurinn endurnefnir sjálfgefnu stöðuna í Virkt í „Í vinnslu“ og bætir við „Næst á dagskrá“ í flokkinn Í bið og „Vinnu lokið“ í flokkinn Virkt. Hlutinn hverfur um leið og fyrsta eigin staðan er komin.