Skýrsla verkefnis

Skýrsla verkefnis er PDF-skjal með því sem hefur verið skráð á verkið. Þú velur hvaða kaflar og dálkar fara í hana og getur takmarkað hana við tímabil, til dæmis einn mánuð. Stjórnandi, Skrifstofumaður og Verkstjóri geta búið til skýrslu.

Ekki virkt hjá öllum fyrirtækjum

Skýrslan er ekki virk hjá öllum fyrirtækjum. Sjáirðu ekki flipann Skýrslur á verkefnasíðunni geturðu óskað eftir henni í spjallinu neðst í horninu eða á [email protected].

Skýrslur-flipinn. Kaflarnir eru valdir vinstra megin og forskoðunin er hægra megin.

Búa til skýrslu

1. Opnaðu verkefnið og veldu flipann Skýrslur.
2. Til að takmarka skýrsluna við tímabil velurðu dagsetningar í Tímabil. Sé reiturinn auður fer allt sem hefur verið skráð í skýrsluna.
3. Hakaðu við kaflana sem eiga að vera með: Grunnupplýsingar, Tímaskráningar, Akstur, Lager, Tækjaleiga, Dagbók og Myndir. Talan við kafla er fjöldi færslna á tímabilinu, og við Myndir stendur hve margar myndir eru valdar af öllum.
4. Smelltu á örina við kafla til að velja dálka og hópun, sjá neðar.
5. Smelltu á Sækja skýrslu.

Forskoðunin hægra megin sýnir nokkrar línur úr hverjum kafla og hve margar eru til viðbótar. PDF-skjalið hleðst niður með nafninu skyrsla og verknúmerinu, til dæmis skyrsla-26-041.pdf.

Hjá Verkstjóra sýna talan og forskoðunin í Tímaskráningar og Akstur aðeins hans eigin skráningar, en skýrslan sjálf tekur allar skráningar verksins.

Þegar þú hefur sótt skýrslu man Unnur valið á köflum, dálkum og hópun í þessum vafra, svo næsta skýrsla byrjar eins og sú síðasta.

Dálkar og hópun

Dálkar Tímaskráninga. Ljósir dálkar eru ekki með, og Hópa eftir er ekki valið.

Smelltu á dálk til að taka hann með eða sleppa honum. Dálkar með verði, eins og Taxti, Einingaverð og Upphæð, eru ekki valdir í byrjun, svo skýrsluna má senda verkkaupa eins og hún kemur. Veldu þá ef skýrslan er til innri nota eða ef verkkaupinn á að sjá verðin.

Undir Hópa eftir getur þú hópað línurnar eftir Verkhluta, Starfsmanni eða Dagsetningu. Í Akstri má líka hópa eftir Bifreið, í Lager eftir Vöru og í Tækjaleigu eftir Tæki. Smelltu aftur á valið til að hætta að hópa.

Undir Myndir í forskoðuninni velurðu hvaða myndir fylgja. Allar eru valdar í byrjun. Smelltu á mynd til að sleppa henni, eða á Afvelja allar.

Hvað er í skýrslunni

Efri hluti fyrstu síðu skýrslunnar.

• Efst er merki fyrirtækisins, ef það hefur verið sett inn, nafn og kennitala fyrirtækisins, heiti og númer verkefnisins, dagsetningin og verkkaupinn. Sé tímabil valið kemur það líka fram.
• Kaflarnir koma í sömu röð og í valinu, og línurnar í tímaröð.
• Töludálkar eins og Dagvinna, Yfirvinna, Magn og Upphæð fá línuna Samtals neðst í hverjum kafla og í hverjum hópi.
• Kafli sem hefur engar færslur á tímabilinu fær textann Engar færslur.
• Dagbókin sýnir dagsetningu, höfund og texta hverrar færslu, en ekki myndir úr henni.
• Myndirnar sem eru valdar fara aftast í skjalið.

Í Grunnupplýsingum eru heiti, verknúmer, staða, verkkaupi, staðsetning, áætluð byrjun og verklok, verkhlutar og lýsing.

Afrit í Skjölum

Í hvert sinn sem þú sækir skýrslu vistar Unnur afrit af henni í möppunni Skýrslur undir flipanum Skjöl á verkefninu. Afritið sjá aðeins Stjórnandi og Skrifstofumaður, svo Verkstjóri sem sækir skýrslu finnur það ekki í Skjölum. Sjá Skjöl og möppur.