Verkhópar

Verkhópur er nafn og listi af starfsmönnum, til dæmis vinnuflokkur sem fer saman á verkstað. Þú notar hann til að manna verkefni og setja fólk á verk í Vikuskipulagi. Aðeins Stjórnandi og Skrifstofumaður stofna verkhópa og nota þá.

Verkhópur hefur engin áhrif á verð tímanna. Verðið ræðst af taxtahópi starfsmannsins, sjá Taxtar og taxtahópar. Starfsmaður getur verið í mörgum verkhópum en aðeins einum taxtahópi.

Flipinn Verkhópar. Jakub og Marta eru bæði í Hópi A og Smíðateymi.

Stofna verkhóp

1. Farðu í Starfsmenn›Verkhópar og smelltu á + efst til hægri.

2. Skrifaðu Nafn hóps.

3. Veldu starfsmenn undir Veldu starfsmenn í hópinn.

4. Smelltu á Búa til verkhóp.

   

   Nýr verkhópur með þremur starfsmönnum

Óvirkir starfsmenn og skrifstofumenn eru ekki í boði þegar valið er í verkhóp.

Breyta eða eyða verkhópi

Smelltu á hópinn í listanum, á + aftast í myndaröðinni eða á ⋮ › Breyta til að opna Breyta verkhópi. Bættu við fólki eða taktu út með × og smelltu á Vista verkhóp.

Til að eyða hópi smellirðu á ⋮ við hann, velur Eyða og staðfestir. Það breytir hvorki mönnun verkefna né úthlutunum í Vikuskipulagi.

Manna verkefni með verkhópi

Í valinu fyrir mönnun verkefnis eru verkhóparnir efst undir Verkhópar. Hakirðu við hóp fara allir í honum á verkefnið, og takirðu hakið af fara þeir allir af því. Hakið er við hópinn þegar allir í honum eru á verkefninu. Hvar valið er og hvernig það vistast er lýst á verkefnasíðunni.

Þjónustuhópur hakaður í Mönnun. Allir þrír í hópnum eru komnir á verkefnið.

Krefjist verkefnið aðgangs sjá aðeins þeir sem eru í mönnuninni verkið, auk Stjórnanda og Skrifstofumanns. Allir í hópnum fá því aðgang þegar þú hakar við hann.

Hópurinn er afritaður á verkefnið

Þegar þú hakar við verkhóp fara þeir sem eru í hópnum á þeirri stundu á verkefnið. Bætirðu síðar manni í hópinn fer hann ekki sjálfkrafa á verkefni sem hópurinn var settur á.

Verkhópar í Vikuskipulagi

Í dagatalinu í Tímar›Vikuskipulag eru starfsmennirnir í hliðarlistanum Starfsmenn flokkaðir eftir verkhópum. Þeir sem eru ekki í neinum hópi eru neðst undir Án verkhóps, og starfsmaður í fleiri en einum hópi sést undir hverjum þeirra.

1. Smelltu á nafn verkhópsins í hliðarlistanum. Allir í hópnum lýsast upp í dagatalinu.

2. Dragðu yfir tímann í dagatalinu. Allur hópurinn er þá forvalinn í nýju úthlutuninni.

   

   Þjónustuhópur valinn í Vikuskipulagi. Úthlutanir Ara, Elínar og Hrafnhildar standa upp úr.

Í glugganum Bæta við úthlutun eru verkhóparnir líka efst í reitnum Starfsmenn. Að velja hóp þar velur alla í honum. Smelltu á Hreinsa í hliðarlistanum til að hætta að lýsa hópinn upp.

Meira um úthlutanir er í Vikuskipulag.

Tengt efni

Taxtar og taxtahóparÚtseldir taxtar og taxtahópar

VikuskipulagÚthlutanir í dagatali og töflu

Finna og skoða verkefniVerkefnalistinn og dálkurinn Mönnun