Skrá fyrirtæki í Unni
Svona stofnarðu fyrirtækið þitt í Unni, velur pakka og byrjar 30 daga prufutíma.
Fyrirtæki er skráð einu sinni í Unni, og sá sem skráir það verður Stjórnandi þess. Skráningin er í fimm skrefum á vefnum. Hafðu við höndina íslenskt farsímanúmer, því staðfestingarkóði kemur í SMS, og kennitölu fyrirtækisins.
Skrá fyrirtækið
Kafli: „Skrá fyrirtækið“-
Farðu á app.unnurverk.is/skraning/fyrirtaeki og smelltu á Stofna fyrirtæki. Af innskráningarsíðunni kemstu þangað með Skráðu þig hér og síðan Skráðu fyrirtæki hér.
-
Sláðu inn farsímanúmerið þitt, sjö tölustafi án landsnúmers, og smelltu á Senda kóða.
Fyrsta skrefið: Stofna fyrirtæki 
Annað skrefið: símanúmerið -
Sláðu inn sex stafa kóðann úr SMS-inu og smelltu á Staðfesta. Komi enginn kóði geturðu smellt á Senda kóða aftur þegar 60 sekúndur eru liðnar.
-
Fylltu út Nafn fyrirtækis, Kennitala fyrirtækis, Fullt nafn stjórnanda, Netfang stjórnanda og Lykilorð. Lykilorðið þarf að vera minnst 6 stafir, með stórum og litlum bókstaf og tölu. Hakaðu við þjónustuskilmálana og persónuverndarstefnuna og smelltu á Stofna aðgang.
Fjórða skrefið: fyrirtækið og stjórnandinn -
Svaraðu spurningunum þremur: hvar þú heyrðir um Unni, hvaða bókhaldskerfi fyrirtækið notar og um það bil hve margir starfsmenn eru. Öllum þarf að svara. Veldu svo pakka og smelltu á Klára skráningu.
Fimmta skrefið: spurningarnar 
Fimmta skrefið: pakkinn og Klára skráningu
Þegar „Nýskráning tókst!“ birtist smellirðu á Ljúka uppsetningu. Þú þarft ekki að skrá þig inn aftur, og uppsetningin opnast.
Ef þú svarar Payday eða Catacloud við bókhaldskerfinu byrjar uppsetningin á tengingu þess. Veljirðu Er með bókara sem sér um þetta þarftu að gefa upp Netfang bókara. Sé kerfið ykkar ekki í listanum velurðu Annað og getur skrifað heiti þess í Hvaða kerfi?.
Pakki og prufutími
Kafli: „Pakki og prufutími“Í fimmta skrefinu velurðu pakka: Einfaldi pakkinn eða Allur pakkinn. Allur pakkinn bætir meðal annars við tilboðum, tækjum, verkhlutum, birgjum og móttöku rafrænna reikninga. Hvað fylgir hvorum pakka sérðu í Áskrift og pakkar. Staðsetningasöfnun og tenging við póst fylgja líka Öllum pakkanum, en eru aðeins virkar hjá þeim fyrirtækjum sem hafa beðið um þær, sjá Eiginleikar sem eru ekki virkir hjá öllum.
Nýtt fyrirtæki byrjar á 30 daga prufutíma með pakkanum sem þú valdir. Hve margir dagar eru eftir sést í StillingarFyrirtækiÁskrift, og þar má líka skipta um pakka. Sjá Áskrift og pakkar.
Annað fyrirtæki á sama símanúmeri
Kafli: „Annað fyrirtæki á sama símanúmeri“Ef þú ert þegar með aðgang að Unni, til dæmis sem starfsmaður hjá öðru fyrirtæki, skráirðu nýja fyrirtækið á sama símanúmer:
-
Skráðu þig út með Útskráning neðst í valmyndinni. Skráningarsíðan opnast ekki meðan einhver er innskráður í vafranum.
-
Farðu í gegnum skrefin hér að ofan. Í fjórða skrefi er enginn reitur fyrir lykilorð, því þú heldur lykilorðinu sem þú ert með.
-
Nýja fyrirtækið bætist við aðganginn þinn. Þú velur á milli fyrirtækja neðst í valmyndinni, sjá Innskráning og lykilorð.
Ef skráningin stöðvast
Kafli: „Ef skráningin stöðvast“Unnur kannar ekki fyrr en þú smellir á Klára skráningu hvort SMS-kóðinn sé réttur og hvort kennitalan sé þegar skráð. Þessar villur birtast því í síðasta skrefinu:
- „Fyrirtæki með þessa kennitölu er þegar skráð.“ Fyrirtækið er þegar í Unni. Sjá athugasemdina efst á síðunni.
- „Staðfesting símanúmers mistókst. Vinsamlegast reyndu aftur.“ Kóðinn var rangur eða útrunninn. Smelltu tvisvar á Til baka til að komast í kóðaskrefið, biddu um nýjan kóða með Senda kóða aftur og sláðu hann inn. Það sem komið var í reitina helst inni.