Tímar og fjarvera

Starfsmaður gleymdi að stimpla sig út

Stimpilklukka sem hefur gengið í 18 klukkustundir stöðvast sjálfkrafa og starfsmaðurinn fær tilkynningu í símann. Lokatíminn verður 18 klst. eftir að klukkan var ræst, og skráningin fer ekki á sölureikning fyrr en tíminn hefur verið lagaður, í appinu eða á vefnum.

Sé klukkan enn í gangi getur Stjórnandi eða Skrifstofumaður stöðvað hana á Tímar: smelltu á punktana þrjá aftast í línunni og veldu Stöðva tímamælingu. Lokatímann lagarðu svo með Breyta.

Nánar í Stimpilklukkan.

Starfsmaður finnur ekki verkefnið í appinu

Þegar starfsmaður skráir tíma í appinu sér hann aðeins verkefni sem hann hefur aðgang að og sem eru ekki í stöðu úr flokkunum Lokið eða Hætt við. Opnaðu verkefnið á vefnum. Sé lás við myndirnar á spjaldinu Mönnun sjá aðeins þeir sem eru í mönnuninni verkefnið, og þá bætir Stjórnandi eða Skrifstofumaður starfsmanninum við með + á spjaldinu. Úthlutun í Vikuskipulag bætir honum ekki í mönnunina.

Nánar í Starfsmaður finnur ekki verkefnið.

Tímar voru skráðir á rangt verkefni

Opnaðu Tímar, smelltu á punktana þrjá aftast í línunni og veldu Breyta. Veldu rétt verkefni í Verkefni og smelltu á Vista. Margar skráningar færirðu í einu með Velja línur fyrir ofan töfluna og Færa á verkefni neðst á skjánum.

Skráningu sem er komin á sölureikning, líka drög, er ekki hægt að færa fyrr en línan hefur verið tekin af reikningnum.

Nánar í Færa skráningar og sameina verkefni.

Hvernig skráir starfsmaður veikindi eða orlof?

Í appinu fer starfsmaðurinn í Meira›Fjarvera, ýtir á Skrá fjarveru, velur Týpu og daga og ýtir á Senda inn. Á vefnum er það Tímar›Fjarverur og +. Þegar beiðnin hefur verið samþykkt skráir Unnur tímana sjálf. Fjarveran sést líka í töflunni í Vikuskipulagi, bæði samþykkt og sú sem bíður samþykkis.

Fyrst þarf Stjórnandi eða Skrifstofumaður að kveikja á fjarveru undir Stillingar›Tímaskráning›Fjarvera. Nánar í Fjarvera: veikindi, orlof og frí.

Af hverju vantar rauðan dag hjá starfsmanni?

Rauðir dagar skrást aðeins sjálfkrafa ef kveikt er á fjarveru og á Skrá rauða daga sjálfkrafa undir Stillingar›Tímaskráning›Fjarvera. Starfsmaðurinn þarf að vera virkur og með Tímavinna í Starfsmannategund. Rauði dagurinn verður að lenda á virkum degi, og starfsmaður sem á fjarverubeiðni sem bíður eða er samþykkt yfir daginn fær hann ekki.

Rauðir dagar sem voru liðnir þegar kveikt var á stillingunni skrást ekki. Nánar í Rauðir dagar.