Póstur og tengiliðir — tölvupóstur á verkefnin
Tengdu pósthólfið þitt við Unni, úthlutaðu póstum á verkefni og haltu utan um fólkið hjá verkkaupum og aðra aðila verksins.
Með Pósti tengir þú pósthólfið þitt (Microsoft 365/Outlook eða Google/Gmail) við Unni. Póstarnir eru áfram í pósthólfinu. Í Unni úthlutar þú þeim á verkefni, svo öll samskipti um verkið eru á einum stað. Tengiliðir halda utan um fólkið: tengiliði verkkaupa og aðra aðila verksins, t.d. arkitekta og eftirlitsmenn.
Póst og tengiliði sjá aðeins notendur með hlutverkið Stjórnandi eða Skrifstofumaður. Starfsmenn og verkstjórar geta hvorki tengt pósthólf né séð póst. Póstur fylgir Allt-pakkanum.
Tengja pósthólf
Kafli: „Tengja pósthólf“- Farðu í StillingarTengingarPóstur.
- Smelltu á Microsoft eða Google og skráðu þig inn hjá póstþjónustunni.
- Þú kemur aftur í Unni og pósthólfið birtist undir Tengd pósthólf.
Pósthólfið er þitt: aðeins þú lest það þar til þú velur annað. Smelltu á + við Aðgangur og veldu hverjir aðrir mega lesa það. Veljir þú Allir stjórnendur, líka nýir fá líka þeir aðgang sem bætast við síðar.
Úthluta póstum á verkefni
Kafli: „Úthluta póstum á verkefni“Undir Póstur sérðu Innhólf, Sent og Drög (og Geymslu í Gmail). Innhólfið skiptist í Óúthlutað, Úthlutað og Sleppt, svo þú sérð alltaf hvað er eftir.
- Opnaðu póst og veldu verkefni í reitnum Verkefni — eða hakaðu við marga pósta og smelltu á Úthluta á verkefni.
- Viðhengi póstsins fara sjálfkrafa í skjöl verkefnisins, falin starfsmönnum.
- Sendandinn verður aðili verksins, svo næsti póstur frá honum stingur upp á sama verkefni.
- Kemur póstur verkinu ekki við smellir þú á Merkja sem sleppt. Á síðu sendanda getur þú valið Sleppa alltaf póstum frá þessum sendanda.
Hver póstur tilheyrir einu verkefni. Veljir þú annað verkefni færist hann þangað. Þú svarar og áframsendir beint úr póstinum, og svarið lendir í sama þræði hjá viðtakandanum.
Samskipti á verkefninu
Kafli: „Samskipti á verkefninu“Flipinn Samskipti á verkefnasíðunni sýnir póstana sem hefur verið úthlutað á verkið og Aðila verks. Smelltu á aðila til að sjá aðeins póstana til og frá honum. Með + tengir þú fleiri aðila og getur skráð hlutverk hvers og eins á verkinu.
Tengiliðir verkkaupa
Kafli: „Tengiliðir verkkaupa“Á síðu verkkaupa velur þú ⋮ › Nýr tengiliður til að skrá fólkið hjá honum, t.d. formann húsfélags. Tengiliðir verkkaupa fylgja öllum verkefnum hans. Smelltu á tengilið til að opna síðuna hans. Þar sérðu verkefnin sem hann kemur að, tillögur um verkefni sem póstar frá honum hafa verið úthlutaðir á, og samskipti hans úr öllum pósthólfum sem þú hefur aðgang að.